Ventu ideale / Cunquistadori
VENTU IDEALE À passi è veni solcu u marinu Sò tante bocche à vulè si inghjotte e mo brame di viaghju Mi traenu ver di u marosu è mi rendenu à u mare à passi è veni M’aspetta una barca arrinata da ùn sò quantu tempu da ùn sò quante corse Avà sò marinaru i mo cumpagni à fiancu ci impettemu à l’estru di u mare mattu Partimu è vulteremu in a mossa di issu ventu ideale. CUNQUISTADORI Pigliemu li issi battelli fantasimi in ballu sottu à e lune ! Vuchemu in e cataste di e voce marosulu è u verde esoticu di u cumbugliu umanu Imbriachi di questue sempre pè i paesi fundii di l’inchjostru eternu È gudimu li i prufumi ancu palesi di u primu versu! (Patrizia Gattaceca) Album "Dì u mare"