Hè què chi ci manca (Puesia)
Hè què chi ci manca
Hè què chi ci manca un’ ochju à u mare
Ver di l’orizonte e so rive care
L’anima leggera chjassi senza fine
Longu a custera fin’à e marine
Hè què chi ci manca un’aria più pura
Sopr’à e cunfine in lu chjar’oscuru
Piane verdicente di sole bagnate
A cuscenza sveglia tuttu hè cambiatu
Hè què chi ci manca un antru vangelu
E pagine nove da scrive fratellu!
Gemme preziose e pezzu di stella
Eternu ideale e questua mea
Hè què chi ci manca
Hè què chi ci manca un’ora di più
Gode u tramontu , un lascialu più
Stinzà la a vita à malincunia
Quella d’un gabbianu , chi volta à u nidu
Hè què chi mi manca sognu fattu veru
L’estru chjucarinu l’amicizia vera
À u vesperinu scopre a billezza
Di u ventulellu sente a carezza
Stéphane Casalta
Ghjennaghju 2022
Commentaires
Enregistrer un commentaire