Poesie Siciliane

UNNI SINI?

Unni si ni va l’amuri cummigliatu sulu di vasati?

Supra quali crista ascuta u ventu ca è stiddatu?

Sulu l’amuri c’ava notti chi stiddi e a luna ciara in cielu.

Di ddassupra comu un pueta mminnicu

Cafudda i so petri e addumanna scantatu.

Ava a rannizza darreri

Ed eni nu menzu d’ogni palaura, eni impizzu, 

d’ogni trizzera

d’ogni ddumanna eni a fruntera

e di ddocu nescia e ammargia com un mari

ma l’amuri è un picciutteddu ca u tempu un asdiciura

attocca a so passata scurdata d’i criaturi

scupriri u meli sarvaggi di ma jorna

rialu d’u Santu ca un si nomina u so nomi.

CIUVIDDICHIA 

Tuttu u tempo ca ‘un passu a taliariti alluccuta

macari ca ‘un ci si mi para tradimintusu

pirchì a tia ti amca di l’acqua insinu o sali

e ‘un ti n’adduni.

Ca se tu fussi cà fussa un ciuviddichiari di stiddi

E meci intra sta vanedda addummisciuta ci sunu

Sulu stizzi di scuru, scrusciu di carta vacanti.

Si mummurmuriuni i stiddi, mi cuntunu unni ti ni va

Zoccu simini e zoccu colgli, a vinnigna ancora è luntana

A stasciunata pir mia ‘un arrivà ciuni! 

(SARAH TARDINO)